சென்னை – இமையமலையில் ஆன்மீக குருமார்களைச் சந்தித்து ஆசி பெறச் சென்றிருக்கும் நடிகர் ரஜினிகாந்த், அப்பயணத்தை முடித்துவிட்டு முழு உடல்பரிசோதனைக்காக அமெரிக்கா செல்கிறார்.
கடந்த 2011-ம் ஆண்டு, உடல்நலக்குறைவால், சிங்கப்பூர் மவுண்ட் எலிசபெத் மருத்துவமனையில் தீவிர சிகிச்சை பெற்ற ரஜினி, மறுபிறப்பெடுத்து நலமுடன் திரும்பி வந்தார்.
அதன் தொடர்ச்சியாக ஒவ்வொரு ஆண்டும் அமெரிக்கா சென்று முழு உடல் பரிசோதனை செய்து வருகின்றார்.
அந்த வகையில், இந்த ஆண்டும் உடல் பரிசோதனைக்காக அமெரிக்க செல்லவிருக்கிறார். அவருடன் அவரது மனைவி லதாவும், இளையமகள் சௌந்தர்யாவும் செல்லவிருக்கின்றனர்.
இப்பயணத்தை முடித்துவிட்டு வந்தவுடன் ரஜினி தனது அரசியல் பயணத்தை தீவிரமாகத் தொடங்குவார் என எதிர்பார்க்கப்படுகின்றது.
