கோலாலம்பூர் – இன்று வியாழக்கிழமை மாலை 5 மணியளவில், துன் டாக்டர் மகாதீர் முகமதுவுடன் சந்திப்பு நடத்த மாமன்னர் அனுமதியளித்துவிட்டதாக பக்கத்தான் ஹராப்பான் பொதுச்செயலாளர் சைபுடின் அப்துல்லா தெரிவித்திருக்கிறார்.
நேற்று புதன்கிழமை நடைபெற்ற 14-வது பொதுத்தேர்தலில் தேசிய முன்னணியைத் தோற்கடித்து குறைந்த பெரும்பான்மையில் மகாதீர் தலைமையிலான பக்காத்தான் ஹராப்பான் கூட்டணி வெற்றி பெற்றது.
இந்நிலையில், இன்று காலை மகாதீர் முகமது பிரதமராகப் பதவியேற்கவிருந்த நிலையில், மாமன்னரிடமிருந்து அதற்கு அனுமதி கிடைக்காததால் தாமதமானது.
இதனையடுத்து இன்று மாலை மகாதீர் பக்காத்தான் ஹராப்பான் கூட்டணியைச் சேர்ந்த 4 தலைவர்களுடன் மாமன்னரைச் சந்திக்கிறார்.
