கோலாலம்பூர்: முன்னாள் துணை அமைச்சரின் உதவியாளரான ஹசிக் அப்துல்லா அப்துல் அசிஸ் மற்றும் பொருளாதார விவகார அமைச்சர் டத்தோஶ்ரீ அஸ்மின் அலி போன்ற ஒரு நபர் இருக்கும் புதிய காணொளி யூடியூபில் வெளிவந்துள்ள அதே நேரத்தில் ஒன்பது நிமிட முழு நீள பதிப்பானது ஆபாச தளமான போர்ன்ஹாபில் பதிவேற்றப்பட்டுள்ளது.
முந்தைய காணொளி யூடியூப் தளத்தின் சமூக தரங்களை மீறியதற்காக அகற்றப்பட்டது.
அக்காணொளியில் இருப்பது தாம்தான் என பகிரங்கமாக ஒப்புக்கொண்ட ஹசிக், படுக்கையில் இருந்து எழுந்திருப்பதைக் காணலாம். அதே நேரத்தில் இரண்டாவது நபர் தனது கைபேசியைப் பயன்படுத்துகிறார். புகைப்படங்கள் எடுக்கும் போது வெளிவரும் ஒளிகள் போன்று, அச்சாதனத்தின் திரையில் இருந்து இரண்டு ஒளிகள் வெளிவருகின்றன.
ஒரு குளியல் அங்கியை அணிந்தவாறு ஹசிக் அறை முழுவதும் நடந்து செல்வதையும் அக்காணொளியில் காணலாம்.
இந்த காணொளி தொடர்பாக காவல் துறை தற்போது விசாரணை நடத்திக் கொண்டிருப்பதாக காவல் துறை துணைத் தலைவர் டத்தோ மஸ்லான் மன்சோர் கூறியுள்ளார்.
