புதுடில்லி – கடந்த 5 நாட்களாக சிபிஐ எனப்படும் மத்திய புலனாய்வுத் துறை, தடுப்புக் காவலில் வைத்து முன்னாள் நிதியமைச்சர் ப.சிதம்பரத்தை விசாரித்து வரும் நிலையில், அவர் விசாரணையில் முறையான ஒத்துழைப்பு வழங்கவில்லை என்பதால் மேலும் 5 நாட்களுக்கு அவரைத் தடுப்புக் காவலில் வைத்து விசாரிக்க மத்திய புலனாய்வுத் துறை இன்று நீதிமன்றத்தில் கோரிக்கை வைத்தது.
சிதம்பரத்திற்கு வழங்கப்பட்டிருந்த 5 நாட்கள் தடுப்புக் காவல் இன்றுடன் முடிவடைந்ததால் காவல் நீட்டிப்புக்கு மத்திய புலனாய்வுத் துறை விண்ணப்பித்தது.
அதைத் தொடர்ந்து, வழக்கை விசாரித்த புதுடில்லி சிபிஐ நீதிமன்றம் மத்திய புலனாய்வுத் துறையின் கோரிக்கையை ஏற்று ஆகஸ்ட் 30 வரை சிதம்பரத்தை விசாரிக்க அனுமதி வழங்கியிருக்கிறது.
வழக்கிற்கு இடையில் சிதம்பரம் தனது மகன் கார்த்தி சிதம்பரம், மனைவி நளினி சிதம்பரம் ஆகியோரைச் சந்தித்து உரையாடினார்.
