ஹாங்காங்: சட்டத்தை தங்கள் கைகளில் எடுத்துக் கொண்ட போராட்டக்காரர்களுக்கு, ஹாங்காங் காவல் துறையினர் தங்களது கடுமையாக கண்டனத்தை தெரிவித்தனர். பார்வையாளர்களை அடித்ததன் மூலம் ஒரு நாகரிக சமூகத்தின் நிலையை அவர்கள் மீறிவிட்டனர் என்று அவர்கள் ஓர் அறிக்கையில் குறிப்பிட்டதாக சின்ஹுவா செய்தி நிறுவனம் தெரிவித்துள்ளது.
நேற்று ஞாயிற்றுக்கிழமை பிற்பகல் சட்டவிரோத கூட்டங்கள் மீண்டும் வன்முறையாக மாறியதை அடுத்து, ஹாங்காங்கின் பல்வேறு மாவட்டங்களில் போராட்டக்காரர்கள் தீ முட்டியதோடு இல்லாமல், சாலைகளை தடுத்து, வங்கிகள், மெட்ரோ நிலையங்கள் மற்றும் கடைகளை சேதப்படுத்தினர் என்று அது குறிப்பிட்டிருந்தது.
மேலும், காவல் துறையினர் மீது போராட்டக்காரர்கள் பெட்ரோல் குண்டுகளை வீசியதாகவும், அச்சம்பவ இடத்தில் ஒரு நிருபர் தாக்கப்பட்டதாகவும் கூறினார்.
விரைவாக மோசமடைந்து வந்த சூழ்நிலைக்கு பதிலளிக்கும் வகையில், காவல் துறை கண்ணீர் வாயுக்கள் மற்றும் இரப்பர் தோட்டாக்கள் உள்ளிட்ட பொருத்தமான சக்தியுடன் போராட்டத்தை அடக்கும் நடவடிக்கையை நடத்தியது என்று அந்த அறிக்கையில் கூறப்பட்டுள்ளது.
