முன்னாள் அமெரிக்க அதிபர் ஜிம்மி கார்ட்டர் மருத்துவமனையில் அனுமதி!

வாஷிங்டன்: அமெரிக்காவின் முன்னாள் அதிபர் ஜிம்மி கார்ட்டர் நேற்று திங்கள்கிழமை பிற்பகல் ஜார்ஜியா அட்லாண்டாவில் உள்ள மருத்துவமனையில் அனுமதிக்கப்பட்டுள்ளதாக சின்ஹுவா செய்தி நிறுவனம் தெரிவித்துள்ளது.

95 வயதான அவர்,  நீண்ட காலம் அமெரிக்க அதிபராக இருந்தவர். தலையில் ஏற்பட்ட இரத்தக் கசிவினால் அவருக்கு அறுவை சிகிச்சை செய்வதற்கு எமோரி பல்கலைக்கழக மருத்துவமனையில் அனுமதிக்கப்பட்டார்.

இந்த அறுவை சிகிச்சை இன்று செவ்வாய்க்கிழமை திட்டமிடப்பட்டுள்ளது.

கடந்த அக்டோபர் 22-இல், ஜார்ஜியாவில் உள்ள அவரது வீட்டில் விழுந்து இடுப்பு எலும்பு முறிவு காரணமாக கார்ட்டர் மருத்துவமனையில் அனுமதிக்கப்பட்டார்.

கார்ட்டர் 1977 மற்றும் 1981-க்கு இடையில் பணியாற்றிய 39-வது அமெரிக்க அதிபராவார்.