கோலாலம்பூர்: பிகேஆர் ஆலோசகர் டாக்டர் வான் அசிசா வான் இஸ்மாயில் மற்றும் உதவித் தலைவர் நூருல் இசா அன்வார் ஆகியோர் இடைக்கால பிரதமர் துன் டாக்டர் மகாதீர் முகமட்டை சந்திப்பதற்காக பிரதமர் அலுவலகம் செல்லவில்லை என்று நூருல் இசா தெரிவித்துள்ளார்.
மாறாக, துணை பிரதமர் அலுவலகத்தில் தனது தாய்க்கு பொருட்களை எடுத்துச் செல்ல உதவியதாக அவர் கூறினார்.
“நாங்கள் துணைப் பிரதமர் அலுவலகத்திலிருந்து பொருட்களை எடுத்துக்கொண்டோம்” என்று அவர் கூறினார்.
தனது அமைச்சின் கீழ் பணியாற்றிய ஊழியர்களுக்கு நன்றி தெரிவிக்க தாமும் வான் அசிசாவும் சென்றதாகக் கூறினார்.
Comments
