Home One Line P1 மலாக்காவின் புதிய முதலமைச்சர் வெள்ளிக்கிழமை பதவியேற்கிறார்

மலாக்காவின் புதிய முதலமைச்சர் வெள்ளிக்கிழமை பதவியேற்கிறார்

579
0
SHARE
Ad
மலாக்கா – சில சட்டமன்ற உறுப்பினர்களின் கட்சித் தாவலால் அரசியல் நெருக்கடிக்கு உள்ளாகியிருக்கும் மலாக்கா மாநிலத்தில் புதிய முதலமைச்சர் நாளை வெள்ளிக்கிழமை மார்ச் 6-ஆம் தேதி பதவியேற்பார்.

இந்த பதவியேற்பு நிகழ்ச்சிக்கு மலாக்கா ஆளுநர் துன் டாக்டர் முகமட் காலில் யாக்கோப் ஒப்புக் கொண்டிருப்பதாகவும் ஆயர் குரோவில் ஆளுநர் மாளிகையில் உள்ள டேவான்ஸ்ரீ உத்தாமா மண்டபத்தில் இந்த பதவியேற்பு சடங்கு நடைபெறும் என்றும் மலாக்கா மாநில செயலாளர் டத்தோஸ்ரீ ஹாசிம் ஹசான் நேற்று புதன்கிழமை (மார்ச் 4) வெளியிட்ட அறிக்கையில் கூறினார்.

வெள்ளிக்கிழமை நியமிக்கப்பட்ட பின்னர் அடுத்த 7 நாட்களுக்குள் புதிய முதலமைச்சர் மாநில அரசாங்கத்தை அமைப்பார் என்றும் மாநிலச் செயலாளர் அந்த அறிக்கையில் மேலும் தெரிவித்தார்.

இதற்கிடையில் புதிய முதலமைச்சர் யார் என்பதை முடிவு செய்வதில் அம்னோ உறுப்பினர்களிடையே இழுபறி நிலவுவதால், திடீர்த் தேர்தலுக்கு மலாக்கா மாநிலம் உள்ளாகலாம் என்ற நிலைமையும் ஏற்பட்டிருக்கிறது.

நேற்று புதன்கிழமை மலாக்கா வந்தடைந்த அம்னோ தேசியத் தலைவர் சாஹிட் ஹமிடி சம்பந்தப்பட்ட தரப்புகளுடன் பேச்சு வார்த்தை நடத்தினார். மலாக்கா ஆளுநரையும் அவர் சந்தித்துப் பேசினார்.
#TamilSchoolmychoice

மலாக்கா மாநில சட்டமன்றத்தின் பெரும்பான்மையை இழந்தாலும் நடப்பு முதலமைச்சர் அட்லி சஹாரி (படம்) மலாக்கா முதல்வர் பதவியிலிருந்து விலக மறுத்ததால், அவர் மலாக்கா ஆளுநரால் பதவியிலிருந்து நீக்கப்பட்டார்.