கோலாலம்பூர்: இன்று வெள்ளிக்கிழமை நாட்டில் மேலும் 130 புதிய கொவிட் -19 சம்பவங்கள் பதிவாகி இருப்பதாக சுகாதார இயக்குநர் டாக்டர் நூர் ஹிஷாம் அப்துல்லா உறுதிப்படுத்தியுள்ளார்.
இதுவரை, நாட்டில் பதிவான மொத்த சம்பவங்கள் 1,030-ஆக உயர்ந்தது.
26 நோயாளிகள் தீவிர சிகிச்சைப் பிரிவில் சிகிச்சைப் பெற்று வரும் நிலையில், 12 நோயாளிகள் குணமடைந்து வீட்டிற்கு அனுப்பப்பட்டதாக அவர் கூறினார். இதுவரையில் மொத்தம் 87 பேர் குணமடைந்துள்ளனர்.
மேலும், இன்று பதிவான 130 சம்பவங்களில், 48 சம்பவங்கள் ஸ்ரீ பெட்டாலிங் மசூதியில் நடந்த கூட்டம் தொடர்பானவை என்று அவர் குறிப்பிட்டார்.
