Home One Line P2 கொவிட்-19 : சிங்கப்பூரில் 75 புதிய பாதிப்புகள் – அதில் மூவர் மலேசியர்கள்

கொவிட்-19 : சிங்கப்பூரில் 75 புதிய பாதிப்புகள் – அதில் மூவர் மலேசியர்கள்

229
0
SHARE

சிங்கப்பூர் – இன்று ஞாயிற்றுக்கிழமை சிங்கை அரசாங்கம் வெளியிட்ட தகவல்களின்படி 75 புதிய கொவிட்-19 பாதிப்புகள் பதிவாகியிருக்கின்றன. இதில் மூவர் மலேசியர்களாவர்.

அந்த மூவரில் ஒருவர் சிங்கையில் குடிநுழைவு அனுமதியோடு பணிபுரியும் 32 வயது கொண்ட நபராவார்.

மேலும் இருவர் மருத்துவமனைகளில் பணிபுரியும் பெண்களாவர். ஒருவர் 24 வயதும் மற்றொருவர் 20 வயதும் கொண்டவர்களாவர்.

இதுவரையில் சிங்கப்பூரில் 1,189 கொவிட் பாதிப்புகள் பதிவாகியிருக்கின்றன.

இன்று கொவிட்-19 மரணத்தால் மற்றொரு மரணமும் நிகழ்ந்திருக்கிறது. இதைத் தொடர்ந்து சிங்கையில் மரண எண்ணிக்கை 6-ஆக உயர்ந்திருக்கிறது.

இதுவரையில் 297 பேர்கள் முற்றாகக் குணமடைந்து இல்லம் திரும்பியிருக்கின்றனர்.

மேலும் 500 பேர்கள் இன்னும் மருத்துவமனைகளில் சிகிச்சை பெற்று வருகின்றனர். 26 பேர்கள் அபாய கட்டத்தில் தீவிர சிகிச்சைப் பிரிவில் அனுமதிக்கப்பட்டிருக்கின்றனர்.

இதுவரையில் 16,910 பேர்கள் கொவிட்-19 பாதிப்படைந்தவர்களோடு நெருக்கமாக இருந்தவர்கள் என அடையாளம் காணப்பட்டு தனிமைப்படுத்தப்பட்டுள்ளனர்.

சிங்கப்பூரில் ஏப்ரல் 7-ஆம் தேதி வரை ஒரு மாத காலத்திற்கு நடமாட்டக் கட்டுப்பாட்டு உத்தரவை பிரதமர் லீ சியன் லூங் பிறப்பித்திருக்கிறார்.

Comments