Home One Line P1 கொவிட்-19: நாட்டில் 315 நோயாளிகள் 14 வயதுக்குட்பட்டவர்கள்!

கொவிட்-19: நாட்டில் 315 நோயாளிகள் 14 வயதுக்குட்பட்டவர்கள்!

532
0
SHARE
Ad

கோலாலம்பூர்: நாட்டில் கொவிட் -19 நேர்மறை நோயாளிகளில் 315 அல்லது ஆறு விழுக்காட்டு பேர் 14 வயதிற்கு உட்பட்டவர்கள் என்று சுகாதார அமைச்சகம் மதிப்பிட்டுள்ளது.

இந்த எண்ணிக்கையில் 4 வயதுக்குட்பட்ட 83 நோயாளிகள் உள்ளனர் என்று சுகாதார அமைச்சின் இயக்குனர் டாட்கர் நூர் ஹிஷாம் அப்துல்லா தெரிவித்தார்.

#TamilSchoolmychoice

“எங்கள் தரவைப் பார்த்தால், இதுவரை, 4 வயதிற்குட்பட்டவர்களில், எங்களுக்கு 83 நோயாளிகள் உள்ளனர். மேலும் 83 பேர் 5 மற்றும் 9 வயதுக்குட்பட்டவர்கள்.”

“10 முதல் 14 வயதுக்குட்பட்ட 149 நோயாளிகள் உள்ளனர். மொத்தத்தில், 14 வயதிற்குட்பட்ட 315 நோயாளிகள் உள்ளனர்.”

“இது ஆறு விழுக்காடு (நாட்டில் நேர்மறையான சம்பவங்களின் எண்ணிக்கை)” என்று அவர் நேற்று வியாழக்கிழமை புத்ராஜெயாவில் ஊடக மாநாட்டில் கூறினார்.

குழந்தைகளில் மிகவும் நேர்மறையான சம்பவங்கள் பெற்றோர்கள் மற்றும் பிற குடும்ப உறுப்பினர்களையும் உள்ளடக்கியது என்று நூர் ஹிஷாம் விளக்கினார்.

இதுபோன்ற சந்தர்ப்பங்களில், குழந்தைகள் மற்றும் அவர்களது குடும்ப உறுப்பினர்கள் சிகிச்சை மற்றும் தனிமைப்படுத்தலுக்காக ஒரே அறையில் வைக்கப்படுவார்கள் என்று அவர் கூறினார்.

இருப்பினும், எதிர்மறையாக சோதிக்கப்படும் பெற்றோருக்கு, அவர்கள் இன்னும் குழந்தைகளுடன் ஒரே அறையில் இருக்க அனுமதிக்கப்படுகிறார்கள், ஆனால் அவர்கள் உறுதிமொழி பாரத்தில் கையெழுத்திட வேண்டும் என்றும் பாதுகாப்பு உபகரணங்களை அணிய அறிவுறுத்தப்படுவார்கள் என்றும்  அவர் குறிப்பிட்டார்.