ஜூன் 9 வரை நடமாட்டக் கட்டுப்பாடு, தளர்வுகளுடன் நீட்டிப்பு – மொகிதின் யாசின் அறிவித்தார்

மொகிதின் யாசின் ஆற்றிய உரையில் இடம் பெற்ற சில முக்கிய அம்சங்கள் பின்வருமாறு:

• இதுவரையில் பிரிஹாத்தின் எனப்படும் கொவிட்19 நிதி உதவி 10.6 மில்லியன் மக்களுக்கு சென்று சேர்ந்திருக்கிறது. 11 பில்லியன் ரிங்கிட் ரொக்கமாக விநியோகிக்கப்பட்டிருக்கிறது.

• மாநிலங்களுக்கிடையிலான பயணங்களுக்கான தடை இன்னும் நீடிக்கிறது.

• எனினும் கணவன், மனைவி இருவேறு மாநிலங்களில் இருந்தால் அவர்கள் மாநிலம் விட்டு பயணம் மேற்கொள்ள அனுமதி வழங்கப்படும்.

• ஹரிராயா பெருநாளின்போதும் மாநிலம் விட்டு பயணம் செல்வதற்கான தடை நீட்டிக்கப்படும்.

• வெள்ளிக்கிழமை பள்ளிவாசல்களில் நடத்தப்படும் தொழுகைகள் மீதான நடைமுறைகள் தற்போது வகுக்கப்பட்டு வருகின்றன.

• நடமாட்டக் கட்டுப்பாடுகள் மீதிலான தளர்வுகள் அறிவிக்கப்பட்டதிலிருந்து இதுவரையில் சுமார் 6.64 மில்லியன் பணியாளர்கள், அதாவது மொத்த பணியாளர்களில் 43.6 பணியாளர்கள் வேலைகளுக்குத் திரும்பியிருக்கின்றனர்.

• பந்துவான் பிரிஹாத்தின் நேஷனல் நிதி உதவி இதுவரையில் பெற முடியாதவர்கள் மேல் முறையீடு செய்வதற்கான தேதி மே 31 வரை நீட்டிக்கப்பட்டுள்ளது.

• மே 4 முதல் தளர்வுகளுடன் தொடங்கிய நடமாட்டக் கட்டுப்பாடு உத்தரவு சுமுகமாக ஒத்துழைத்த மக்களுக்கு நன்றி தெரிவித்துக் கொண்ட மொகிதின் யாசின், மத்திய அரசாங்கத்தின் முடிவுகளுக்கு ஏற்பட வணிகங்களைத் திறக்க முன்வந்து செயல்பட்ட மாநில அரசாங்கங்களுக்கும் தனது நன்றியைத் தெரிவித்துக் கொண்டார்.

• இதுவரையில் 4 வட்டாரங்கள் மட்டுமே கொவிட்19 சிவப்பு மண்டலங்களாக அடையாளம் காணப்பட்டிருக்கின்றன.

• இதுவரையில் கொவிட்19 பாதிப்புகள் குறைவாக இருப்பதோடு கட்டுக்குள் வைக்கப்பட்டிருக்கின்றன. குணமடைந்தவர்களின் எண்ணிக்கையும் கணிசமாக அதிகரித்திருக்கிறது.