Home One Line P1 நாட்டின் அடிப்படை உணவு மற்றும் தேவைகள் போதுமானதாக உள்ளது

நாட்டின் அடிப்படை உணவு மற்றும் தேவைகள் போதுமானதாக உள்ளது

524
0
SHARE
Ad

கோலாலம்பூர்- தற்போதைய கொவிட்19 தொற்றுநோயை எதிர்கொண்டு நாட்டின் அடிப்படை உணவு மற்றும் அடிப்படை தேவைகளை வழங்குவது போதுமானதாக இருப்பதாக உள்நாட்டு வாணிப மற்றும் பயனீட்டாளர்கள் விவகார அமைச்சர் டத்தோ அலெக்சாண்டர் நந்தா லிங்கி இன்று தெரிவித்தார்.

கொவிட் 19 தொடர்ந்தாலும் உயிர்வாழ்வதற்காக உணவு பாதுகாப்புக்கான எந்தவொரு சாத்தியத்தையும் எதிர்கொள்ள வேளாண் மற்றும் உணவுத் துறை அமைச்சகம், அனைத்துலக வணிகம் மற்றும் தொழில்துறை அமைச்சகம் ஆகியவற்றுடன் அமைச்சு எப்போதும் இணைந்து செயல்பட தயாராக உள்ளதாக அவர் கூறினார்.

“உணவு இருப்புகளைப் பொறுத்தவரை மட்டுமல்லாமல், எங்களிடம் போதுமான ஆதாரங்களும், வளங்களும் இருப்பதை உறுதிசெய்கிறோம். இறைச்சியை உற்பத்தி செய்யும் இந்தியா போன்ற நாடுகளின் உணவை இறக்குமதி செய்யும் நாட்டின் தற்போதைய நிலைமையை நாங்கள் அறிவோம்.

#TamilSchoolmychoice

“இதேபோல், அரிசி வழங்கல், எடுத்துக்காட்டாக வியட்நாம் தற்போது மலேசியாவிற்கு அரிசி ஏற்றுமதி செய்யவில்லை. அரிசி விநியோகத்திற்கான மற்றொரு ஆதாரத்தை நாங்கள் அடையாளம் கண்டுள்ளோம்,” என்று அவர் இன்று செய்தியாளர் சந்திப்பில் கூறினார்.

அமைச்சு போதுமான விநியோகத்தை உறுதி செய்வதற்கான அனைத்து உத்திகளையும் உருவாக்கி அடையாளம் கண்டு வருவதாகவும், எனவே பண்டிகை காலங்களில் கூட மக்கள் கவலைப்பட வேண்டியதில்லை என்றும் அவர் கூறினார்.