கோலாலம்பூர்: 1எம்டிபி நிதி ஊழலுக்கு வழிவகுத்ததாக குற்றம் சாட்டப்பட்ட ஜோ லோவை மீண்டும் அழைத்து வர முயற்சிப்பதை காவல் துறையினர் கைவிடவில்லை.
“நான் இன்னும் இந்த இலக்கை அடைய முயற்சிக்கிறேன். நான் தோல்வியுற்றேன் என்பதை ஒப்புக்கொள்கிறேன் (கடந்த ஆண்டின் இறுதியில் ஜோ லோவை நாட்டிற்கு அழைத்து வர) ஆனால், அது அவரை மீண்டும் அழைத்து வர முயற்சிப்பது நிறுத்தப்பட்டு விட்டது என்று அர்த்தமல்ல” என்று காவல் துறைத் தலைவர் அப்துல் ஹாமிட் பாடோர் கூறினார்.
கடந்த ஆண்டு இறுதிக்குள் ஜோ லோவை வீட்டிற்கு அழைத்து வர அப்துல் ஹாமிட் திட்டமிட்டிருந்தார்.
இதற்கிடையில், ஜோ லோ எங்கு மறைந்திருக்கிறார் என்பது காவல் துறையினருக்கு தெரியும் என்று அப்துல் ஹாமிட் மீண்டும் வலியுறுத்தினார். ஆனால், ஜோ லோவை மீண்டும் மலேசியாவிற்கு அழைத்து வர காவல் துறை இன்னும் அழுத்தத்தில் இருப்பதாக ஒப்புக் கொண்டார்.
காவல் துறையினர் அங்குள்ள அவர்களது சகாக்களுடன் தொடர்பு கொண்டனர், ஆனால் எந்த ஒத்துழைப்பும் கிடைக்கவில்லை என்று அப்துல் ஹாமிட் கூறினார்.
“ஜோ லோ குவைத்தில் இருந்தார், ஆனால் உண்மையில் அது 2016- இல் என்று சமீபத்திய செய்திகள் வந்துள்ளன.
“அவர் உண்மையிலேயே தைரியமாக இருந்தால், அவர் தனது மறைவிடத்திலிருந்து வெளியேற வேண்டும்.” என்று அப்துல் ஹாமிட் சவால் விடுத்தார்.
“என்னை வாங்க முடியாது, ஏனென்றால் மக்களுக்கும், நாட்டிற்கும் சேவை செய்வதே எனது நோக்கம். அவரை நீதிக்கு கொண்டுவருவதற்கான முயற்சிகள் தொடரும் ” என்று அவர் கூறினார்.
அமெரிக்கா மற்றும் மலேசிய அதிகாரிகள் வழங்கிய அனைத்துலக கைது அறிவிப்புகளில் இருந்து தப்பிக்கும் முயற்சியாக, கடந்த வாரம், ஜோ லோ குவைத் செல்லும் வழியில் தப்பித்துச் சென்றதாக வோல் ஸ்ட்ரீட் ஜேர்னல் செய்தி வெளியிட்டது.
கடந்த பிப்ரவரி மாதம், கொவிட் -19 பாதிப்பின் மையமான சீனாவின் வுஹானுக்கு ஜோ லோ சென்றிருப்பதை உளவுத்துறை கண்டுபிடித்ததாக அப்துல் ஹாமிட் தெரிவித்தார்.
ஜோ லோ, முன்னாள் பிரதமர் நஜிப் ரசாக் உடன், 1எம்டிபி மற்றும் அதன் முன்னாள் துணை நிறுவனமான எஸ்ஆர்சி இன்டர்நேஷனல் மூலம் மில்லியன் கணக்கான ரிங்கிட்டை முறைகேடாகப் பயன்படுத்தியதாக குற்றம் சாட்டப்பட்டுள்ளது.
1எம்டிபியிலிருந்து குறைந்தபட்சம் 4.5 பில்லியன் அமெரிக்க டாலர்கள் தவறாகப் பயன்படுத்தப்படுவதாக அமெரிக்க நீதித்துறை உள்ளிட்ட அனைத்துலக புலனாய்வாளர்கள் முடிவு செய்துள்ளனர்.
ஜனவரி மாதம், 1எம்டிபி ஊழலின் பின்னணியில் சூத்திரதாரி என்று ஜோ லோ மறுத்த நிலையில், நிறுவனம் சம்பந்தப்பட்ட ஒப்பந்தத்தில் அவர் நடுவர் மட்டுமே என்று கூறினார்.
ஜோ லோவைத் தவிர, எஸ்ஆர்சி இன்டர்நேஷனலின் முன்னாள் இயக்குநரும் தலைமை நிர்வாக அதிகாரியுமான நிக் பைசால் அரிப் காமில் மற்றும் பலரைத் தேடுவதை காவல் துறையினர் நிறுத்த மாட்டார்கள் என்று அப்துல் ஹாமிட் கூறினார்.
“அவர் (ஜோ லோ) நாட்டின் நிதியைக் கொள்ளையடித்துள்ளார். அவர் சிறையில் அடைக்கப்படும் வரை நாங்கள் (வேட்டையிலிருந்து) ஓய்வெடுக்க மாட்டோம்.
“அவர் மற்றும் இன்னும் சிலரின் காரணமாக, நாடு கடனால் சுமையாக உள்ளது.” என்று அப்துல் ஹாமிட் கூறினார்.
ஜோ லோ, நிக் பைசால், எரிக் டான் கிம் லூங், கேசி டாங், ஜாஸ்மின் லூ மற்றும் கெஹ் சோ ஹெங் ஆகியோர் விசாரணைக்கு உதவ 2015 முதல் அதிகாரிகளால் தேடப்படுகின்றனர்.
