கோலாலம்பூர்: கோலாலம்பூர் நீதிமன்ற வளாகத்தில் காவல் துறையினர் கடுமையான பாதுகாப்பினை மேற்கொண்டு வருகின்றனர்.
முன்னாள் பிரதமர் நஜிப் ரசாக் சம்பந்தப்பட்ட 42 மில்லியன் ரிங்கிட் தொடர்பான 7 ஊழல் குற்றச்சாட்டுகள் இன்று நீதிமன்றத்தில் தீர்ப்பு வழங்க இருப்பதால், அவரின் ஆதரவளர்கள் அதிகாலை முதல் அங்கு கூடியுள்ளனர்.
அங்கு கூடியிருந்தவர்கள் கூடல் இடைவெளியைக் கடைப்பிடிக்காததால் காவல் துறையினர் அவர்களை, அவ்வாறு செய்யுமாறும், முகக்கவசங்களை அணியுமாறும் ஒலிபெருக்கி மூலம் அறிவுறுத்தி வருகின்றனர்.
கிட்டத்தட்ட 1,000 பேர் அங்கு கூடியுள்ளனர். கிட்டத்தட்ட 20 பேருந்துகளில் பெக்கான் நாடாளுமன்றத்திலிருந்து நஜிப்புக்கு ஆதரவு அளிக மக்கள் வந்துள்ளனர்.
காலை 10.30 வரையிலான நிலவரப்படி, நிலைமை கட்டுப்பட்டுக்குள் உள்ளது என்று தெரிவிக்கப்பட்டுள்ளது.
