கோலாலம்பூர்: எதிர்வரும் சபா மாநிலத் தேர்தலில் கெராக்கான் கட்சி போட்டியிடுமா என்று இன்னும் முடிவு செய்யவில்லை என்று அதன் தலைவர் டத்தோ டாக்டர் டொமினிக் லாவ் தெரிவித்தார்.
எவ்வாறாயினும், சில சபா கெராக்கான் தலைவர்களும் உறுப்பினர்களும் மாநிலத் தேர்தலில் கட்சியைப் பிரதிநிதித்துவப்படுத்துவதில் தங்கள் ஆர்வத்தை ஏற்கனவே சுட்டிக்காட்டியதாக அவர் கூறினார்.
“நாங்கள் ஏற்கனவே எங்கள் மத்திய செயற்குழு கூட்டத்தில் பேசியிருந்தோம். அங்கு நாங்கள் சபாவின் நிலைமை பற்றி தீவிரமாக விவாதித்தோம்.
“அவர்களில் சிலர் ஏற்கனவே தங்கள் வேட்பாளர்களின் விருப்பப்பட்டியலுடன் போட்டியிடத் திட்டமிட்டுள்ள சில தொகுதிகளை எங்களிடம் தெரிவித்தனர். ஆனால் முதலில் நாங்கள் போட்டியிட விரும்புகிறோமா இல்லையா என்பதை நாங்கள் தீர்மானிக்க வேண்டும்,” என்று அவர் ஒரு செய்தியாளர் கூட்டத்தில் கூறினார்.
வளங்கள், வெல்லக்கூடிய வேட்பாளர்கள் மற்றும் தொலைநோக்கு பார்வையாளர்கள் உட்பட எந்தவொரு முடிவையும் எடுப்பதற்கு முன்னர், அவர்கள் கருத்தில் கொள்ள வேண்டிய பல காரணிகள் இருப்பதாக லாவ் கூறினார்.
கடந்த வியாழக்கிழமை முதலமைச்சர் டத்தோஸ்ரீ முகமட் ஷாபி அப்டால் மாநில சட்டமன்றத்தைக் கலைத்ததைத் தொடர்ந்து சபா மாநிலத் தேர்தல் நடைபெற உள்ளது.
