Home One Line P1 சிலிம் இடைத்தேர்தல்: வாக்காளர்களுக்கு வாக்காளர் அட்டை அனுப்பப்படுகிறது

சிலிம் இடைத்தேர்தல்: வாக்காளர்களுக்கு வாக்காளர் அட்டை அனுப்பப்படுகிறது

90
0
SHARE

ஈப்போ: சிலிம் மாநிலச் சட்டமன்றத் தொகுதியில் பதிவுசெய்யப்பட்ட 23,094 வாக்காளர்களுக்கு தேர்தல் ஆணையம் நேற்று தொடங்கி, மாத இறுதியில் நடைபெற இருக்கும் இடைத்தேர்தலுக்கு முன்னதாக வாக்காளர் அட்டையை அனுப்பியுள்ளது.

தேர்தல் ஆணைய செயலாளர் இக்மால்ருதீன் இஷாக் கூறுகையில், ஆகஸ்ட் 25-ஆம் தேதி முன்கூட்டிய வாக்காளர்களும், ஆகஸ்ட் 29-ஆம் தேதி சாதாரண வாக்காளர்களும் வாக்களிக்க ஊக்குவிக்கும், எளிதாக்கும் முயற்சிகளின் ஒரு பகுதியாகும் இது அமையும் என்று தெரிவித்தார்.

சிலிம் இடைத்தேர்தலுக்காக தேர்தல் ஆணையம் பரிந்துரைக்கப்பட்ட வாக்களிக்கும் நேரங்கள் குறித்த கூடுதல் தகவல்களையும் அச்சிட்டுள்ளது.

“இந்த திட்டம் வாக்காளர்கள் அதிக எண்ணிக்கையில் கூடுவதைத் தடுப்பதையும், வாக்குச் சாவடியில் இருக்கும்போது வாக்காளர்களிடையே உடல் ரீதியான தூரத்தை உறுதி செய்வதையும் நோக்கமாகக் கொண்டுள்ளது.

“இது தொற்று நோய்களைத் தடுக்கும் மற்றும் கட்டுப்படுத்தும் சட்டம் 1988 (சட்டம் 342) இன் கீழ் கொவிட்19 நோய்த்தொற்று பரவுவதைத் தடுக்க செயல்படுத்தப்பட்ட கட்டுப்பாட்டு நடவடிக்கைக்கு ஏற்ப உள்ளது” என்று அவர் இன்று ஓர் அறிக்கையில் தெரிவித்தார்.

அந்தந்த அட்டைகளைப் பெற்ற வாக்காளர்கள் தகவல்கள் அட்டையில் வெளிப்படுத்தப்பட்டுள்ளதால் தகவல்களைச் சரிபார்க்க தேர்தல் ஆணைய சாவடியில் நிற்க வேண்டியதில்லை என்று இக்மால்ருடின் கூறினார்.

எவ்வாறாயினும், வாக்காளர்கள் தங்கள் அடையாள அட்டைகளை வாக்களிக்க உதவுவதற்கு கொண்டு வர வேண்டும் என்று அவர் கூறினார்.

“வாக்காளர் அட்டையைப் பெறாத வாக்காளர் வாக்களிக்கும் தகவலை தேர்தல் ஆணைய இணையத்தளமான pengundi.spr.gov.my அல்லது MySPR Semak விண்ணப்பத்தின் மூலமாகவோ அல்லது 15888 என்ற குறுஞ்செய்தி சேவை (எஸ்எம்எஸ்) மூலமாகவோ அல்லது 03-8892 7018 என்ற எண்ணில் அழைக்கவோ முடியும்” என்று அவர் கூறினார்.

Comments