Home One Line P2 நகைச்சுவை நடிகர் வடிவேல் பாலாஜி காலமானார்

நகைச்சுவை நடிகர் வடிவேல் பாலாஜி காலமானார்

625
0
SHARE
Ad

சென்னை: பிரபல நகைச்சுவை நடிகர் வடிவேலுவின் உடல் மொழியைப் பின்பற்றி பிரபலமான, பிரபல நடிகர் வடிவேல் பாலாஜி, 45, சென்னை அரசு மருத்துவமனையில் இன்று அதிகாலை காலமானார்.

வடிவேல் பாலாஜி மாரடைப்பால் சென்னையில் உள்ள பிரபல மருத்துவமனையில் அனுமதிக்கப்பட்டதாக தகவல்கள் தெரிவிக்கின்றன.

உடல் சோர்வினால் தொடர்ந்து நகைச்சுவை நடிகர் முடங்கிப்போயிருந்தார். கடந்த 15 நாட்களாக சிகிச்சையில் இருந்ததாகத் தெரிவிக்கப்பட்டுள்ளது.

#TamilSchoolmychoice

மருத்துவமனையில் செலவுகளை நிர்வகிக்க முடியாமல் போனதால், அவர் வேறு இரண்டு மருத்துவமனைகளுக்கும், இன்று காலை அரசு மருத்துவமனைக்கும் மாற்றப்பட்டதாக கூறப்படுகிறது. துரதிர்ஷ்டவசமாக, அவரைக் காப்பாற்றுவதற்கான முயற்சிகள் பயனளிக்கவில்லை. அவர் இன்று காலை காலமானார்.

அவர் முதலில் விஜய் டிவியின் ‘கலக்கப் போவது யாரூ’ மூலம் புகழ் பெற்றார். மேலும் விஜய் டிவியின் நகைச்சுவைக் குழுவின் ஒரு பகுதியாக இருந்தார். அவர் ஒரு சில திரைப்படங்களிலும் நடித்துள்ளார்.

‘கலக்கப் போவது யாரூ’ மூலம் தொலைக்காட்சியில் அறிமுகமானாலும், சிவகார்த்திகேயன் தொகுத்து வழங்கிய ‘அது இது எது’ என்ற தொலைக்காட்சி விளையாட்டு நிகழ்ச்சியின் மூலம் பிரபலமடைந்தார்.

பிரபல தொலைக்காட்சி நிலையத்தில் திரைக்கதை எழுத்தாளராக இருந்த இயக்குனர் நெல்சன், நயன்தாரா நடித்த ‘கோலமாவு கோகிலா’ படத்தின் மூலம் இயக்குநராக அறிமுகமானார். மேலும், அவர் அப்படத்தில் வடிவேல் பாலாஜிக்கு ஒரு பாத்திரத்தை வழங்கியிருந்தார்.

Comments