கோலாலம்பூர்: கொவிட் -19 தொற்றுநோயைச் சமாளிக்க நாடு இன்னமும் போராடி வரும் இந்த நேரத்தில், பல அரசியல் கட்சிகள் விரைவில் தேர்தல்களை நடத்தும் என்ற கவலையை நாட்டின் இன்றைய அரசியல் உறுதியற்ற தன்மை எழுப்புகிறது.
சுகாதார இயக்குனர் டாக்டர் நூர் ஹிஷாம் அப்துல்லா, 24 மணி நேரத்திற்குள் நேற்று மொத்தம் 799 புதிய நோய்த்தொற்றுகள் பதிவாகியுள்ளதாக தெரிவித்தார்.
இந்த புதிய சம்பவங்களில் பெரும்பாலானவை கடந்த மாதம் நடைபெற்ற சபா மாநிலத் தேர்தலில் பதிவாகியுள்ளன.
எதிர்காலத்தில் பொதுத் தேர்தல் நடைபெறுவதற்கான சாத்தியக்கூறு குறித்து செய்தியாளர்களின் கேள்விகள் குறித்து நூர் ஹிஷாம் கூறுகையில், மலேசிய சுகாதார அமைச்சகத்திற்கு தொற்றுநோய்க்கு மத்தியில் இது நடைபெறுவதைத் தடுக்கும் அதிகாரம் இல்லை என்றார்.
இருப்பினும், இது நடைமுறைப்படுத்தப்பட்டால், முதலில் மூன்று விஷயங்களை மட்டுமே தனது தரப்பு அமல்படுத்த கேட்கும் என்று அவர் கூறினார்.
“எங்களுக்கு அதிகாரம் இருந்தால், ஒத்திவைப்பது சிறந்தது என்று நாங்கள் நினைக்கிறோம்.
“ஆனால், சுகாதார அமைச்சகத்திற்கு அதிகாரம் இல்லை அல்லது, இதுவரை சட்டம் 342 (தொற்று நோய்களைத் தடுக்கும் மற்றும் கட்டுப்படுத்தும் சட்டம் 1988) ஐப் பயன்படுத்தலாம். இதை நடைமுறைப்படுத்த விரும்பினால் நாம் மூன்று கொள்கைகளை பின்பற்ற வேண்டும்.
“அதாவது, மாநில அல்லது மாவட்ட எல்லையை கடக்க முடியாது. தேர்தல் பிரச்சாரம் இல்லை. மூன்றாவது வீடு வீடாக செல்வதும் இல்லை” என்று அவர் செய்தியாளர் கூட்டத்தில் கூறினார்.
செப்டம்பர் 26 மற்றும் முந்தைய பிரச்சார காலத்தின் இரண்டு வாரங்களில் சபாவில் புதிய கொவிட் -19 சம்பவங்கள் வியத்தகு முறையில் அதிகரித்துள்ளன.
மோசமான தாக்கத்தை பெற்ற சபாவைத் தவிர, தீபகற்பத்திலும், சபாவிற்கு பயண வரலாற்றைக் கொண்ட சம்பவங்களின் எண்ணிக்கை அதிகரித்தன.
தேர்தலின் போது மூன்று கொள்கைகளை அமல்படுத்த சட்டம் 342- ஐப் பயன்படுத்த முடியுமா என்று நூர் ஹிஷாமிடம் கேட்கப்பட்டது.
தற்போதைய நிலைமைக்கு ஏற்ப இந்தச் சட்டத்தில் திருத்தம் செய்யுமாறு தனது தரப்பு பரிந்துரைத்து வருவதாக அவர் பதிலளித்தார்.
“இந்த சட்டம் 1988- ஆம் ஆண்டில் தயாரிக்கப்பட்டது. (எப்போது) இது தொற்றுநோய்களுக்குப் பயன்படுத்தப்படும் என்று நாங்கள் எதிர்பார்க்கவில்லை. இந்தச் சட்டம் தொற்று நோய்களுக்கானது.
“செயல்படுத்தப்பட்ட திருத்தங்களைக் காண வேண்டிய அவசியம் உள்ளது. சட்டத்துறை தலைவரிடம் கலந்தாலோசிப்பது அவசியம்,” என்று அவர் கூறினார்.
