கோலாலம்பூர்: ஜசெக மத்திய செயற்குழு உறுப்பினர் தெங் சாங் கிம், கட்சியின் தலைவரான லிம் கிட் சியாங் மற்றும் பொதுச் செயலாளர் லிம் குவான் எங் ஆகியோரை புதிய தலைவர்களுக்கு வழி வகுக்குமாறு பகிரங்கமாக வலியுறுத்தியுள்ளார்.
நான்யாங் சியாங் பாவோவுடனான ஒரு நேர்காணலின் போது, தெங், மூத்த தலைவர் லிம் 1960- களில் இருந்து கட்சியை வழிநடத்தி வருவதாக கூறினார்.
“ஜசெக இப்போது உச்சத்தில் உள்ளது மற்றும் ஏற்கனவே இறுதிக் கட்டத்தை கடக்கிறது. அடுத்த போட்டிக்கு, மற்றவர்களிடம் கட்சியின் தலைமையை ஒப்படைக்க வேண்டிய நேரம் இது,” என்று அவர் கூறினார்.
லிம் குடும்பத்தின் முக்கிய பிரச்சனை என்னவென்றால், அவர்கள் நீண்ட காலமாக பதவியில் இருக்கிறார்கள்.
“கட்சி அரசியலமைப்பின் கீழ் எந்த தடையும் இல்லை என்றால், தலைமை மாற்றத்தை எங்களால் காணமுடியாது. எனவே, ஒரு கட்டுப்பாடு மற்றும் தலைமை மாற்றம் இருப்பது நல்லது,” என்று அவர் கூறினார்.
பொதுச் செயலாளர் பதவிக்காலம் ஒன்பது ஆண்டுகளுக்கு மட்டுமே வரையறுக்கப்பட்டிருந்தாலும், பொதுத் தேர்தலுக்கு வழிவகுக்கும் வகையில் கட்சித் தேர்தல்கள் பலமுறை ஒத்திவைக்கப்படுவதால் குவான் எங் 10 ஆண்டுகளுக்கும் மேலாக இந்த பதவியில் இருக்கிறார் என்பதையும் தெங் நினைவுபடுத்தினார்.
கிட் சியாங் 1969 முதல் 1999 வரை ஜசெக பொதுச் செயலாளராக இருந்தார். குவான் எங் 2004 முதல் பொதுச் செயலாளராக இருந்து வருகிறார்.
