கோலாலம்பூர்: 2021 வரவு செலவுத் திட்டத்தில் சீன தனியார் இடைநிலைப் பள்ளிகளுக்கு எந்தவிதமான நிதி உதவிகளும் வழங்கப்படவில்லை.
இந்த விஷயத்தை டிசம்பர் 15 தேதியிட்ட நாடாளுமன்ற உறுப்பினர் தியோ நீ சிங்கிற்கு எழுத்துப்பூர்வமாக நிதியமைச்சர் தெங்கு ஜாப்ருல் அப்துல் அசிஸ் உறுதிப்படுத்தினார்.
2019 வரவு செலவுத் திட்டத்தின் போது, சீன தனியார் பள்ளிகளுக்கு 12 மில்லியனை ஒதுக்கி, மூன்று பல்கலைக்கழக கல்லூரிகளுக்கு மேலும் 6 மில்லியனை இணைத்ததால் நம்பிக்கை கூட்டணி அரசாங்கம் விமர்சிக்கப்பட்டது.
எவ்வாறாயினும், பள்ளி வசதிகளை பராமரிப்பதற்கும், வேறு பல வகையான பள்ளி தேவைகளை உள்ளடக்குவதற்கும் இந்த ஒதுக்கீடு வழங்கப்பட்டுள்ளது என்று நம்பிக்கை கூட்டணி கூறியது.
2021 வரவு செலவுத் திட்டத்தில், ஒட்டுமொத்தமாக, பள்ளி பராமரிப்பு மற்றும் மேம்பாட்டுக்கான ஒதுக்கீடு 800 மில்லியனாக உயர்த்தப்பட்டது. இது 2020- ஆம் ஆண்டில் அது 735 மில்லியாக இருந்தது.
முந்தைய ஆண்டுகளைப் போலல்லாமல், தஹ்பிஸ் பள்ளிகள், செகோலா அகமா ரக்யாத் மற்றும் பதிவுசெய்யப்பட்ட மத பள்ளிகளைப் பராமரிப்பதற்கான ஒதுக்கீடு கல்வி அமைச்சினால் வழங்கப்படவில்லை. ஆனால், நேரடியாக நிதி அமைச்சகத்தின் மூலமாகவே செல்கிறது.
இருப்பினும், தேசிய கூட்டணி அரசாங்கம் இந்த வரவு செலவுத் திட்டத்தில் இந்த நோக்கத்திலிருந்து தனியார் கல்வி நிறுவனங்களை நீக்கியுள்ளது.
