கோலாலம்பூர்: தேசிய கொவிட் -19 நோய்த்தடுப்பு திட்டத்தின் மூலம் தங்களையும், சமூகத்தையும் பாதுகாக்கும் பொறுப்பை நிறைவேற்ற அனைத்து குடிமக்களும் ஒன்றிணைந்து செயல்பட வேண்டும் என்று மாமன்னர் அல்-சுல்தான் அப்துல்லா இன்று மக்களிடம் கேட்டுக் கொண்டார்.
கொவிட்-19 தொற்றுநோயை எதிர்த்துப் போராடுவதற்கான முயற்சிகள் அரசாங்கத்துக்கும் மக்களுக்கும் இடையிலான ஒத்துழைப்பு மற்றும் அனைத்து மக்களிடமிருந்தும் நெருக்கமான ஒற்றுமையின் மூலம் மேற்கொள்ளப்பட வேண்டும் என்று அவர் கூறினார்.
“தேசிய கொவிட் -19 நோய்த்தடுப்புத் திட்டத்தின் மூலம் நம் அனைவரின் முயற்சிகள் மூலம், இந்த அன்பான நாட்டிற்கு ஒரு பிரகாசமான எதிர்காலத்தை உருவாக்க மீண்டும் ஒன்றிணைந்து செயல்படுவோம்.
“கொவிட் -19 தொற்றுநோயை எதிர்த்துப் போராடுவதற்கான திட்டத்தைத் தொடர்வோம்,” என்று அவர் கூறினார்.
கொவிட் -19 நோய்த்தொற்றிலிருந்து மக்களைப் பாதுகாக்கக்கூடிய ஒரு தடுப்பூசியைக் கொண்டுவருவதற்கான அரசாங்கத்தின் கடின உழைப்புக்கு மாமன்னர் தனது நன்றியைத் தெரிவித்தார்.
