கோலாலம்பூர் : தமிழ்நாடு சட்டமன்றத் தேர்தல்களில் மாபெரும் வெற்றி பெற்று தமிழக முதல்வராக எதிர்வரும் மே 7-ஆம் தேதி பதவியேற்கும் திமுக தலைவர் மு.க.ஸ்டாலினுக்கு மனித வள அமைச்சர் டத்தோஸ்ரீ எம்.சரவணன் வாழ்த்து தெரிவித்தார்.
“தமிழக சட்டப்பேரவை தேர்தலில் மகத்தான வெற்றிப்பெற்று புதிய முதல்வராக பொறுப்பேற்கவுள்ள திராவிட முன்னேற்றக் கழகத்தின் தலைவர், கலைஞரின் இளவல், எமது அன்பு சகோதரர் மு.க.ஸ்டாலின் அவர்களுக்கு மனமார்ந்த வாழ்த்துகள்! வளரட்டும் தமிழகம், தொடரட்டும் கலைஞரின் சகாப்தம்!” என சரவணன் தனது முகநூல் பக்கத்தில் பதிவிட்டார்.
சில ஆண்டுகளுக்கு முன்னர் ஸ்டாலினை மலேசியாவுக்கு வரவழைத்து சிறப்பான வரவேற்பு நிகழ்ச்சியைப் படைத்தவர் சரவணன்.
மேலும் தமிழகம் செல்லும் போதெல்லாம் ஸ்டாலினை நேரடியாகச் சந்திப்பதையும், நிகழ்ச்சிகளில் கலந்து கொள்வதையும் சரவணன் வழக்கமாகக் கொண்டிருந்தார்.
