கோலாலம்பூர்: ரமலான் மாதத்தில் மாநில மற்றும் மாவட்டங்களுக்கு இடையேயான பயணங்கள் மற்றும் அடுத்தடுத்த நோன்பு பெருநாள் பண்டிகை காலம் ஆகியவை கொவிட் -19 சம்பவங்கள் அதிகரித்ததற்கு காரணங்களாகும்.
இன்று தொற்று எண்ணிக்கை 7,000 ஐ தாண்டியுள்ளது என்று சுகாதார அமைச்சர் டாக்டர் அடாம் பாபா தெரிவித்தார்.
மத நடவடிக்கைகள் தொடர்பான 40 கொவிட் -19 தொற்று குழுக்கள் கடந்த வாரத்தில் மட்டும் பதிவாகியுள்ளன. 19 ஜோகூரில், 13 சிலாங்கூரில் மற்றும் மீதமுள்ள எட்டு மலாக்கா, நெகிரி செம்பிலான் மற்றும் கிளந்தானில் பதிவாகி உள்ளன.
“இந்த மத நடவடிக்கை திறல்கள் ரமலான் மற்றும் நோன்பு பெருநாள் முழுவதும் நிகழ்ந்தன. மேலும் இந்த திறள்களின் அதிகரிப்பு பொதுமக்களின் நடமாட்டம் ஆகியவற்றைப் பொறுத்தது.
“நாம் வெளியேறுவதை குறைக்க முடிந்தால், தொற்று வீதத்தைக் குறைக்கலாம், பரவுவதைக் குறைக்கலாம் மற்றும் கொவிட் -19 ஐக் கட்டுப்படுத்தலாம்,” என்று அவர் செய்தியாளர் கூட்டத்தில் கூறினார்.
