Home நாடு கொவிட்-19: புதிய தொற்றுகள் 5,271 ஆகக் குறைந்தன

கொவிட்-19: புதிய தொற்றுகள் 5,271 ஆகக் குறைந்தன

1123
0
SHARE
Ad

கோலாலம்பூர்: இன்று திங்கட்கிழமை (ஜூன் 7) வரையிலான கடந்த 24 மணி நேரத்தில் மலேசியாவில் பதிவான மொத்த கொவிட்-19 தொற்றுகளின் எண்ணிக்கை 5,271 ஆகக் குறைந்திருக்கின்றன.

சுகாதார அமைச்சு இந்தத் தகவலை வெளியிட்டது.

முழு நடமாட்டக் கட்டுப்பாட்டு ஆணை கடுமையாகப் பின்பற்றப்படுவதால் இந்த தொற்றுகளின் எண்ணிக்கையில் சரிவு ஏற்பட்டிருப்பதாகக் கருதப்படுகின்றது.

#TamilSchoolmychoice

நேற்று ஞாயிற்றுக்கிழமை வரையிலான ஒருநாள் தொற்றுகள் 6,241 ஆக இருந்த நிலையில் இன்று இந்த எண்ணிக்கை 5,271 ஆக சரிவு கண்டிருப்பது ஆறுதல் ஏற்படுத்தும் தகவலாக அமைந்திருக்கிறது.

இதைத் தொடர்ந்து இதுவரையில் பதிவான மொத்த தொற்றுகளின் எண்ணிக்கை 622,086 ஆக உயர்வு கண்டுள்ளது.

மாநிலங்கள் அளவில் மிக அதிகமான தொற்றுகளை சிலாங்கூர் மீண்டும் பதிவு செய்தது.1,374 தொற்றுகளை சிலாங்கூர் பதிவு செய்தது.

அதனை அடுத்து சரவாக் 703 தொற்றுகளை ஒரு நாளில் பதிவு செய்தது.

கோலாலம்பூரில் 455 தொற்றுகள் பதிவாயின. ஜோகூர் மாநிலத்தில் 355 சம்பவங்கள் பதிவாகி உள்ளன. நெகிரி செம்பிலான் 571 தொற்றுகளைப் பதிவு செய்தது.

(மேலும் விவரங்கள் தொடரும்)