கோலாலம்பூர் : இன்று ஆகஸ்ட் 20 வரையிலான ஒருநாள் கொவிட் தொற்றுகளின் எண்ணிக்கை இதுவரை இல்லாத அளவுக்கு 23,564 ஆக அதிகரித்தது.
கடந்த சில நாட்களாக தொடர்ந்து கொவிட் தொற்றுகளின் எண்ணிக்கை 20 ஆயிரத்தைக் கடந்திருந்தது. நேற்று 22 ஆயிரத்தைக் கடந்தது. அதுவே இதுவரையிலான மிக அதிகமான தொற்று எண்ணிக்கையாக கருதப்பட்டது.
ஆனால் இன்றோ தொற்றுகளின் எண்ணிக்கை 23 ஆயிரத்தைக் கடந்திருக்கிறது.
இதைத் தொடர்ந்து இதுவரையிலான மொத்த கொவிட் தொற்றுகளின் எண்ணிக்கை 1,513,024 ஆக உயர்ந்ததாக சுகாதார இலாகாவின் தலைமை இயக்குநர் நூர் ஹிஷாம் தகவல் வெளியிட்டார்.
சிலாங்கூர் 6 ஆயிரத்துக்கும் மேற்பட்ட தொற்றுகளைப் பதிவு செய்து தொடர்ந்து மிக அதிகமான தொற்றுகளைக் கொண்ட மாநிலமாக முன்னிலை வகிக்கிறது.
கோலாலம்பூர், கெடா, பினாங்கு, பேராக், ஜோகூர், கிளந்தான், ஆகிய 6 மாநிலங்கள் ஆயிரத்துக்கும் மேற்பட்ட தொற்றுகளைப் பதிவு செய்தன.
சபா, சரவாக் இரண்டு மாநிலங்களும் 2 ஆயிரத்துக்கும் மேற்பட்ட தொற்றுகளைப் பதிவு செய்திருக்கின்றன.
