செல்லியல் காணொலி : எஸ்பிஎம் தமிழ் மொழி தேர்வு வழிகாட்டி – தாள் 2 – திருக்குறள்
Selliyal Video : SPM Tamil 2022 – Exam Guide – Paper 2 – Thirukkural
மார்ச் 28-ஆம் தேதி (2022) நடைபெறவிருக்கும் எஸ்பிஎம் தமிழ்மொழி தேர்வை எழுதவிருக்கும் மாணவர்களுக்கு உதவும் பொருட்டு செல்லியல் வழங்கி வரும் சிறப்பு காணொலிகளின் வரிசையில் தாள்-2க்கான திருக்குறள் குறித்த இந்தப் புதிய காணொலியை வழங்குகிறோம்.
இந்தக் காணொலியில் எஸ்பிஎம் தேர்வுகளில் தமிழ் மொழி பாடம் தாள் 2 – திருக்குறள் தொடர்பான கேள்விகளுக்குப் பதிலளிக்கும் வகையில் மாணவர்களுக்கு திருமதி சா.விக்னேசுவரி விளக்குகிறார்.
எஸ்பிஎம் தமிழ்மொழி பாடத்திற்கு மாணவர்களைத் தயார் செய்வதில் நீண்ட காலம் அனுபவம் பெற்ற விக்னேசுவரி, வி ஷைன் கிரியேஷன்ஸ் நிறுவனம் வெளியிட்டிருக்கும் “எஸ்பிஎம் தமிழ் மொழி தேர்வு வழிகாட்டி” என்ற நூலின் ஆசிரியருமாவார்.
5 மாதிரி தேர்வுத் தாள்கள், அவற்றுக்கான பொருத்தமான விடைகள், 9 மாதிரிக் கட்டுரைகள், தமிழ் இலக்கண விளக்கம், தேர்வுக்கான சில ஆலோசனைகள் ஆகியவற்றை இந்த நூல் உள்ளடக்கியிருக்கிறது.
