கோலாலம்பூர் : மலேசியாவில் தமிழ்த் திரைப்படங்கள் உள்ளூரிலேயே தயாரிக்கப்பட்டு வெளியீடு கண்டு வெற்றியும் பெறுவது நமது உள்ளூர் கலையுலகத்தின் முக்கிய வளர்ச்சி கட்டமாகப் பார்க்கப்படுகிறது.
அந்த வரிசையில் எதிர்வரும் நவம்பர் 3-ஆம் தேதி முதற்கொண்டு மலேசியாவெங்கும் 40-க்கும் மேற்பட்ட திரையரங்குகளில் வெளியாகிறது ‘டும் டும் டுமீல்’ என்ற வித்தியாசப் பெயர் தமிழ்த் திரைப்படம்.
நம் நாட்டின் பிரபல நடிகர்கள் நடித்திருக்கும் இந்தப் படத்தை தீபன் எம்.விக்னேஷ் இயக்கியுள்ளார். டி.சத்தியவர்மன் – விஜய் மோகன்ராவ் ஆகியோர் தயாரிப்பில் இந்தத் திரைப்படம் உருவாக்கப்பட்டுள்ளது.சந்தோஷ் தயாநிதி இந்தப் படத்திற்கு இசையமைத்துள்ளார்.
இந்தத் திரைப்படத்தின் முன்னோட்டம் சமூக ஊடகங்களிலும், யூடியூப் தளத்திலும் இன்று வெள்ளிக்கிழமை (அக்டோபர் 14) மாலை 7.00 மணிக்கு வெளியிடப்படவிருக்கிறது.
அந்த முன்னோட்டத்தை கீழ்க்காணும் இணைப்பில் பார்த்து மகிழலாம்:
