கோலாலம்பூர்: நாட்டின் முன்னணி தனியார் பல்கலைக் கழகங்களில் ஒன்றான மாஹ்சா பல்கலைக் கழகம் முன்னாள் அமைச்சர் டத்தோஸ்ரீ எம்.சரவணனுக்கு கௌரவ டாக்டர் வழங்கியது.
இன்று சனிக்கிழமை (மே 6) நடைபெற்ற மாஹ்சா பல்கலைக்கழகத்தின் 22-வது பட்டமளிப்பு விழாவில், சரவணனுக்கு இந்த பட்டத்தை வழங்கியது.
மாஹ்சா பல்கலைக்கழகத்தின் வேந்தரான துன் டத்தோஸ்ரீ ஸக்கி பின் துன் அஸ்மி இந்தப் பட்டத்தை வழங்கினார்.
நாட்டின் அரசியல் துறையிலும், சமூகப் பணிகளிலும் அவர் ஆற்றிய சேவைகளுக்காகவும், மனித வள அமைச்சராக அவர் வழங்கிய பங்களிப்பையும் கௌரவிக்கும் பொருட்டு இந்த பட்டம் வழங்கப்படுவதாக பல்கலைக் கழகத்தின் குறிப்பு தெரிவித்தது.
