கோலாலம்பூர் : நடைபெறவிருக்கும் 6 மாநில சட்டமன்றத் தேர்தல்களில் பெரிக்காத்தான் கூட்டணியில் இணைந்துள்ள கெராக்கான் கட்சி 36 சட்டமன்றத் தொகுதிகளில் போட்டியிடப் போவதாக அறிவித்துள்ளது.
இதற்கிடையில் அந்தக் கட்சிக்கான தேர்தலும் ஜூலை 15-ஆம் தேதி நடைபெறவிருக்கிறது. நடப்பு தலைவர் டோமினிக் லாவ்வை எதிர்த்து 3 பேர் போட்டியிடுகின்றனர். அந்த மூவரும் தத்தம் அணியில் ஒரு துணைத் தலைவர் வேட்பாளரைக் கொண்டுள்ளனர்.
இதனால், கெராக்கான் தேர்தல் பரபரப்பு கூடியுள்ளது. தலைவராக வெற்றி பெறுபவர் அடுத்த சட்டமன்றத் தேர்தல்களில் வேட்பாளர்களை நியமனம் செய்யும் அதிகாரத்தையும் கொண்டிருப்பார்.
கட்சியின் மற்ற பதவிகளுக்கும் போட்டிகள் நடைபெறவிருக்கின்றன.
