சென்னை : கோட்- கிரேட்டஸ்ட் ஆஃப் ஆல் டைம் என்ற விஜய்யின் அடுத்த படம் எதிர்வரும் செப்டம்பர் 5-ஆம் தேதி வெளியாகும் என அறிவிக்கப்பட்டிருக்கிறது. இன்று ஜூன் 22 விஜய்யின் பிறந்த நாள் என்பதால் இந்தப் படத்தின் டீசர் என்னும் குறுமுன்னோட்டம் வெளியிடப்பட்டது.
விஜய் கோட் படத்தில் இரட்டை வேடங்களில் நடிக்கிறார் என்ற ஆரூடங்களை நிரூபிக்கும் வண்ணம் இந்தக் குறு முன்னோட்டம் அமைந்திருக்கிறது. ஒரு விஜய் மோட்டார் சைக்கிளில் உட்கார்ந்து கொண்டு ஓட்ட, பின் இருக்கையில் அமர்ந்து இன்னொரு விஜய் துப்பாக்கியால் சுடுவது போல் காட்சிகள் அமைக்கப்பட்டிருக்கின்றன.
அந்தக் குறு முன்னோட்டத்தைக் கீழ்க்காணும் யூடியூப் இணைப்பில் காணலாம்:
