வாஷிங்டன் : அமெரிக்காவின் ஆதிக்கத்தை நிலைநிறுத்தும் பொருட்டு, அதிபர் டொனால்ட் டிரம்ப் சில பெயர் மாற்றங்களை அறிவித்திருக்கிறார். அமெரிக்காவின் தென்பகுதியில் எல்லையைக் கொண்டுள்ள நாடு மெக்சிகோ. அந்த நாட்டுடன் பல முனைகளில் சர்ச்சைக்குரிய மோதல்களை மேற்கொண்டு வருகிறார் டிரம்ப்.
அந்த வகையில் அமெரிக்காவையும் மெக்சிகோவையும் கடல்வழியாக இணைக்கும் வளைகுடாவான மெக்சிகோ வளைகுடா இனி அமெரிக்கா வளைகுடா என அழைக்கப்படும் என டிரம்ப் அறிவித்திருக்கிறார்.
அதைத் தொடர்ந்து கூகுள் நிறுவனமும் தனது பூகோள வரைபடங்களில் மெக்சிகோ வளைகுடா என்ற பெயரை அமெரிக்கா வளைகுடா எனப் பெயர் மாற்றம் செய்யப் போவதாக அறிவித்திருக்கிறது.
