சென்னை: பிரபல பெண் இயக்குநர் சுதா கொங்கரா இயக்கத்தில் சூர்யா நடிக்கவிருந்த ‘புறநானூறு’ படம் ஏதோ சில காரணங்களால் கைவிடப்பட்டது. எனினும் அந்தப் படத்தை சில மாற்றங்களுடன் சிவகார்த்திகேயன் நடிப்பில் உருவாக்கி வருகிறார் சுதா கொங்கரா.
1965-ஆம் ஆண்டு நடைபெற்ற இந்தி எதிர்ப்புப் போராட்டத்தின் சம்பவங்களின் அடிப்படையில் இந்தப் படம் உருவாக்கப்பட்டு வருவதாக வெளிவந்த தகவல்களால் படத்தின் மீதான எதிர்பார்ப்பு அதிகரித்துள்ளது.
இந்தப் படத்திற்கான தலைப்பு ‘பராசக்தி’ என இன்று புதன்கிழமை (ஜனவரி 29) அறிவிப்பு விடுக்கப்பட்டுள்ளது. இந்தப் படத்திற்கான முன்னோட்டமும் இன்று சமூக ஊடகங்களில் வெளியிடப்பட்டிருக்கிறது. இந்தப் படத்தில் நடிகர்கள் அதர்வா, ரவி மோகன் (ஜெயம் ரவியின் புதிய பெயர்) நடிகை ஸ்ரீலீலா ஆகியோரும் இணைந்திருப்பது படம் குறித்த ஆர்வத்தைக் கூட்டியுள்ளது.
சுதா கொங்கரா ஏற்கனவே மாதவன் நடித்த இறுதிச் சுற்று படத்தையும் சூர்யா நடித்த சூரரைப் போற்று படத்தையும் இயக்கியவர். இந்த இரண்டு படங்களும் மாபெரும் வெற்றி பெற்றன.
‘பராசக்தி’ படத்தின் முன்னோட்டத்தைக் கீழ்க்காணும் யூடியூப் இணைப்பில் காணலாம்:
