சென்னை: விடுதலைச் சிறுத்தைகள் கட்சியில் (விசிக) துணைப் பொதுச் செயலாளராக இருந்து நீக்கப்பட்ட ஆதவ் அர்ஜூனா இன்று வெள்ளிக்கிழமை (ஜனவரி 31) நடிகர் விஜய்யின் தமிழக வெற்றிக் கழகம் கட்சியில் இணைந்துள்ளார்.
பணபலமும் சிறந்த கட்டமைப்பை உருவாக்கக் கூடிய ஆற்றலும் நிறைந்த ஆதவ் அர்ஜூனா தவெகவில் இணைவது அந்தக் கட்சிக்குக் கூடுதல் பலமாக அமையும் என அரசியல் ஆய்வாளர்கள் கருதுகின்றனர்.
இன்று வெள்ளிக்கிழமை மாலை பனையூரில் உள்ள தவெக தலைமையகத்தில் விஜய் முன்னிலையில் ஆதவ் அர்ஜூனா இணைகிறார்.
அதிமுகவில் ஐடி விங்க் என்னும் தகவல் தொழில்நுட்பப் பிரிவைச் சேர்ந்த சி.டி.ஆர்.நிர்மல் குமார் என்பவரும் தவெகவில் இணைகிறார் என அறிவிக்கப்பட்டிருக்கிறது.
ஆதவ் அர்ஜூனாவுக்கு துணைப் பொதுச் செயலாளர் பொறுப்பு வழங்கப்படும் என எதிர்பார்க்கப்படுகிறது.
