சென்னை, மே 16- “அடுத்த மாதம் 3ம்தேதி தி.மு.க., தலைவர் கருணாநிதியின் 90 வது பிறந்ததினத்தை ஒட்டி வீடு தோறும் தி.மு.க.,வினர் கொடியேற்றி கொண்டாட வேண்டும்’ என அக்கட்சியின் பொதுச்செயலர் அன்பழகன் வேண்டுகோள் விடுத்துள்ளார்.
அவரது அறிக்கை:-
தமது எழுத்தாலும் பேச்சாலும் அறப்போராட்டங்களாலும் தமிழர்கள் உள்ளத்தில் இடம் பிடித்த தி.மு.க., தலைவர் கருணாநிதியின் 90 வது பிறந்த தினத்தை சமுதாயத்தில் ஒரு புத்துணர்வு பிறக்கும் நாளாக கொண்டாட வேண்டும்.
உலகத் தமிழர்களின் நல்லெண்ணத்தையும் நம்பிக்கையையும் பெற்றவராக இருப்பவர் கருணாநிதி.
அவரது பிறந்த தினத்தை ஒட்டி தி.மு.க., கொடிகளை வீடுதோறும் ஏற்றி கொண்டாட வேண்டும். இவ்வாறு அன்பழகன் கூறியுள்ளார்.
