கோலாலம்பூர், ஜூலை 22 – ங் மன் தட் என்ற 21 வயது வாலிபரைக் கடத்திய குற்றத்தில் தொடர்புள்ளதாக சந்தேகிக்கப்படும் 4 பேர் இன்று நீதிமன்றத்தில் நிறுத்தப்படவுள்ளனர். இஸ்லாம் மதத்தை அவமதித்தது தொடர்பாக இவ்வழக்கு தொடுக்கப்பட்டுள்ளதாகக் கூறப்படுகிறது.
சட்டத்துறைத் தலைவர் அப்துல் கனி பட்டேல் வெளியிட்டுள்ள அறிக்கையில், கடத்தல் குற்றம் 1961 ன் படி அவர்கள் 4 பேர் மீது இன்று ஷா ஆலம் நீதிமன்றத்தில் வழக்கு தொடுக்கப்படும் என்று தெரிவித்துள்ளார்.
மேலும், இவ்வழக்கில் இன்னும் இருவர் சம்பந்தப்பட்டுள்ளதாகவும் அப்துல் கனி குறிப்பிட்டுள்ளார்.
ங் மன் தட் கடந்த வாரம் ஒரு கும்பலால் கடத்தப்பட்டு, ஆடைகள் களையப்பட்டு, துன்புறுத்தப்பட்டார். அவரது உடம்பில் “சய ஹினா இஸ்லாம்” “நான் இஸ்லாமை அவமதித்தேன்” என்று எழுதியுள்ளனர். இச்செயலை 8 பேர் செய்ததாகக் கூறப்படுகிறது. ஆனால் அவர்களுக்கும் ஆல்விவி என்ற ஆபாச வலைத்தள ஜோடிக்கும் எந்த ஒரு தொடர்பும் இல்லை என்றும் கூறப்படுகிறது.
மேலும் விரிவான செய்திகள் தொடரும்…
