புதுடெல்லி, ஆக.20– முன்னாள் பிரதமர் ராஜீவ் காந்தியின் 69–வது பிறந்த நாள் இன்று நாடு முழுவதும் கொண்டாடப்படுகிறது.
டெல்லியில் ராஜீவ் காந்தி சமாதி அமைந்துள்ள வீர்பூமியில் இன்று காலை காங்கிரஸ் தலைவர் சோனியா காந்தி, பிரதமர் மன்மோகன்சிங், காங்கிரஸ் துணைத்தலைவர் ராகுல் காந்தி ஆகியோர் மலர் தூவி மரியாதை செய்தனர்.
பிரியங்கா காந்தி, அவரது கணவர் ராபர்ட் வதேரா மற்றும் மத்திய மந்திரிகள், காங்கிரஸ் தலைவர்கள் பலர் ராஜீவ் சமாதியில் மலர்தூவி மரியாதை செய்தனர்.
ராஜீவ் சமாதியில் அருகே மாணவ, மாணவிகளின் கலை நிகழ்ச்சிக்கு ஏற்பாடு செய்யப்பட்டு இருந்தது. அதை அனைவரும் பார்த்து ரசித்தனர். முன்னதாக நடந்த பிரார்த்தனை கூட்டத்தில் கலந்து கொண்டனர்.
