கோலாலம்பூர், செப்டம்பர் 4 – இன்று நள்ளிரவில் இருந்து ரோன் 97 வகை பெட்ரோலின் விலை லிட்டருக்கு 15 காசு கூடுதலாகிறது.
அதன் படி, இதுவரை லிட்டர் 2 ரிங்கிட் 70 காசுக்கு விற்கப்பட்ட ரோன் 97 வகை பெட்ரோல் நாளை முதல் 2 ரிங்கிட் 85 காசாக உயர்த்தப்படுகிறது.
இந்த அறிவிப்பை பேராக் மாநில பெட்ரோலியம் விநியோகஸ்தர் சங்கத் தலைவர் லீ சீ செங் உறுதிப்படுத்தினார்.
இரண்டு நாட்களுக்கு முன்னர் ரோன் 95 வகை பெட்ரோல் மற்றும் டீசலின் விலை லிட்டருக்கு 20 காசு உயர்த்தப்பட்டது குறிப்பிடத்தக்கது.
