புதுடெல்லி, செப். 11- காங்கிரஸ் தலைவர் சோனியா காந்தி மருத்துவ பரிசோதனைக்காக கடந்த 2-ந் தேதி அமெரிக்கா சென்றார்.
அவருடன் அவரது மகள் பிரியங்காவும் சென்றார். மருத்துவ பரிசோதனை முடிந்து சோனியா காந்தி அமெரிக்காவில் இருந்து இன்று (புதன்கிழமை) டெல்லி திரும்ப இருப்பதாக காங்கிரஸ் வட்டாரங்கள் தெரிவித்தன.
சோனியா காந்திக்கு கடந்த 2011-ம் ஆண்டு ஆகஸ்டு 5-ந் தேதி அமெரிக்காவில் உள்ள மருத்துவமனையில் அறுவை சிகிச்சை நடந்தது. அதன்பிறகு அவர் அவ்வப்போது அங்கு சென்று மருத்துவ பரிசோதனை செய்து கொள்கிறார்.
