சென்னை, மே 9 – ட்விட்டரில் சேர்ந்த 24 மணிநேரத்தில் அதிக ஃபாலோயர்களை பெற்றவர்களில் இந்திய அளவில் முதலிடத்தை பிடித்துள்ள ரஜினிகாந்த், சர்வதேச அளவில் 6-வது இடத்தில் உள்ளார்.
சூப்பர் ஸ்டார் ரஜினிகாந்த் கடந்த 5-ஆம் தேதி ட்விட்டரில் கணக்கு துவங்கினார். அவர் கணக்கு துவங்கிய சில நிமிடங்களிலேயே அவருக்கு ஆயிரக்கணக்கில் ஃபாலோயர்கள் கிடைத்தனர். அவர் ட்விட்டரில் சேர்ந்த 24 மணிநேரத்தில் 2 லட்சத்து 15 ஆயிரம் பேர் அவரை பின்தொடர்ந்துள்ளனர்.
ட்விட்டரில் சேர்ந்த 24 மணிநேரத்தில் பாலிவுட் நடிகர் ஆமீர் கான் 46 ஆயிரம் ஃபாலோயர்களை பெற்றார். இது தான் இந்திய அளவில் ஒருவர் ட்விட்டரில் சேர்ந்த நாளே அதிகம் பெற்ற ஃபாலோயர்களாக இருந்தது.
ஆனால், தற்போது இந்தியாவில் ட்விட்டரில் சேர்ந்த முதல் நாளிலேயே அதிக ஃபாலோயர்களை பெற்ற முதல் நபர் என்ற பெறுமையை ரஜினிகாந்த் பெற்றுள்ளார். உலக அளவில் ட்விட்டரில் சேர்ந்த 24 மணிநேரத்தில் அதிக ஃபாலோயர்களை பெற்றவர்களில் ரஜினிகாந்துக்கு 6-வது இடம் தான் கிடைத்துள்ளது.
