ஜோகூர் பாரு, ஜூலை 17 – ஜோகூர் தஞ்சோங் பியாய் கடற்பகுதியில் 80 கள்ளக் குடியேறிகளை ஏற்றி வந்த படகு, மலேசிய கடற்படை (Maritime Enforcement Agency – MMEA) படகுடன் , கடந்த செவ்வாய்கிழமை அதிகாலை 1.30 மணியளவில் மோதி விபத்திற்குள்ளான சம்பவத்தில், 19 பேர் நீரில் மூழ்கினர்.
இந்நிலையில், நீரில் மூழ்கியவர்களில் 7 பேரின் சடலங்கள் இன்று மீட்கப்பட்டுள்ளதாக தகவல் கிடைத்துள்ளது.
இந்த சம்பவத்தில் இதுவரை பலியானவர்களின் எண்ணிக்கை 11 ஆக உயர்ந்துள்ளது.
மீட்புப் படையினரால் இதுவரை 61 பேர் உயிருடன் மீட்கப்பட்டுள்ளனர்.
