Home கலை உலகம் எந்திரன் 2: ரஜினிக்கு வில்லனாக இந்தி நடிகர் அமீர்கானா?

எந்திரன் 2: ரஜினிக்கு வில்லனாக இந்தி நடிகர் அமீர்கானா?

517
0
SHARE
Ad

Endhiran-2-610x330சென்னை, ஜூலை 18 – இயக்குநர் சங்கர் இயக்கும்  ‘ஐ’ படத்தின் படப்பிடிப்பு கிட்டத்தட்ட முடிந்துவிட்டது. ஒரு சிறிய ஓய்வுக்குப் பிறகு ‘எந்திரன்-2’ எடுக்க திட்டமிட்டுள்ளார் சங்கர்.

இதற்கான திரைக்கதை வேலைகளில் ஷங்கர் ஈடுபட்டுள்ளார். எந்திரன்-2’ படத்துக்கான கதையைத் தீர்மானிக்க,கடந்த ஒரு வருடமாகவே மறைமுக வேலைகளில்’ ஈடுபட்டிருந்தார் இயக்குநர் ஷங்கர்.

“எந்திரன் 2” படத்தில் வில்லன் தோற்றத்தில் உள்ள ரஜினிக்கு பதில் வேறு ஒருவரை நடிக்க வைக்க ஷங்கர் விரும்பினார். இதற்கான நடிகர் தேர்வு நடந்து வந்தது. தற்போது இந்தி நடிகர் அமீர்கானை தேர்வு செய்துள்ளதாக தகவல் வெளியாகியுள்ளது.

#TamilSchoolmychoice

Rajinikanth-Villainஎந்திரன் 2 படத்தை தமிழ், தெலுங்கு, இந்தி, உள்ளிட்ட மொழிகளில் எடுக்கிறார் சங்கர். அமீர்கான் நடித்தால் இந்தியில் வரவேற்பு கிடைக்கும் என்று கருதி அவரை நடிக்க வைக்க முடிவு செய்துள்ளார்.

பாலிவுட்டில் ரஜினிக்கு நிகர் என்றால், அமிதாப், ஷாருக், அமீர்கான் ஆகியோர்தான். இதில் ‘சீனியர்’ அமிதாப்பை, ரஜினியுடன் மோதவைக்க முடியாது, ‘எந்திரன்’ கதையில் ஷாருக்கை நடிக்கக் கேட்க முடியாது. இது போன்ற காரணங்களால், ஒரே முடிவாக அமீர்கான் மட்டுமே இருக்கிறார்.

Enthiran-2மேலும் இது உலகளவிய வியாபார்த்துக்கும் உதவும் என திட்டமிட்டுள்ளார். படத்துக்கு இசை ஏ.ஆர்.ரஹ்மான். அசத்தல் கதாநாயகிகள் மற்றும் இதர நடிகர்கள்  தேடும் பணி நடந்துவருகிறது.

ரஜினிகாந்த் தற்போது லிங்கா படபிடிப்பில் உள்ளார்.’கோச்சடையான்’ வெளியாவதற்கு முன்னரே ‘லிங்கா’ படப்பிடிப்பில் ரஜினி கலந்துகொண்டார். இப்போது ‘லிங்கா’ முடியும் முன் ‘எந்திரன்-2’ படத்திற்கு உரிய தகவல்கள் கசிகின்றன. ஆகவே அவர் எந்திரன் 2-டில் நடிப்பார் என கூறப்படுகிறது.