Home வணிகம்/தொழில் நுட்பம் மலாயன் இஸ்லாமிய வங்கிக்கு அனைத்துலக நிதி வாரியத்தின் மூன்று விருதுகள்!

மலாயன் இஸ்லாமிய வங்கிக்கு அனைத்துலக நிதி வாரியத்தின் மூன்று விருதுகள்!

506
0
SHARE
Ad

Maybank-Islamic-Bhdவாஷிங்டன், அக்டோபர் 14 – ‘மலாயன் இஸ்லாமிய வங்கி’ (Maybank Islamic Bhd) சமீபத்தில் அமெரிக்காவின் வாஷிங்டன் நகரில் நடைபெற்ற, 2014-ம் ஆண்டிற்கான அனைத்துலக நிதி விருதுகளில், ஆசிய அளவில் சிறந்த நிதி நிறுவனமாகவும், அதேபோன்று மலேசியா மற்றும் சிங்கப்பூரின் சிறந்த வங்கியாகவும் தேர்வு செய்யப்பட்டுள்ளது.  இந்த விருது வழங்கும் விழா, ‘அனைத்துலக நிதி வாரியத்தின்’ (International Monetary Fund) வருடாந்திர கொண்டாட்டத்தின் போது வழங்கப்பட்டது குறிப்பிடத்தக்கது.

இந்த விருது பற்றி மலாயன் இஸ்லாமிய வங்கியின் தலைமை நிர்வாக அதிகாரியும், மலாயன் வங்கிக் குழுமத்தின் தலைவருமான முஸாஃபர் ஹிசாம் கூறுகையில், “இந்த விருது, எங்கள் வங்கியின் அர்ப்பணிப்பிற்கும், திறமைக்கும் கிடைத்த சான்றாகும். ஆசிய அளவில் மிகச் சிறந்த இஸ்லாமிய வங்கியாகத் திகழும் எங்கள் வங்கி, தனது சேவையை நிறுவனங்கள் மற்றும் வட்டாரங்களைத், தாண்டிய சமூகத்திற்கும் சிறப்பு மிக்க பணியினை செய்து வருகின்றது.”

“அனைத்துலக நிதி விருதுகளை ஆசிய அளவில் எங்கள் வங்கி இரண்டாவது முறையாக பெறுகின்றது” என்று கூறியுள்ளார்.

#TamilSchoolmychoice

மலாயன் இஸ்லாமிய வங்கி பற்றி அனைத்துலக நிதி வாரியம் கூறுகையில், “மலேசியா மலாயன் வங்கிக்கு பிரதான சந்தையாக இருந்தாலும், சிங்கப்பூர், இந்தோனேசியா போன்ற அண்டை நாடுகளிலும் சிறப்பான முன்னேற்றத்தைக் கண்டு வருகின்றது” என்று அந்த அமைப்பு கூறியுள்ளது.

தற்போதய நிலையில் உச்சத்தில் இருக்கும் மலாயன் இஸ்லாமிய வங்கியின் சொத்து மதிப்பு 42 பில்லியன் அமெரிக்க டாலர்கள் என நிர்ணயிக்கப்பட்டுள்ளது.