புவனேஸ்வர், அக்டோபர் 15 – அந்தமான் அருகே வங்கக்கடலில் உருவான ஹூட் ஹூட் புயல் கடந்த 12-ம் தேதி ஆந்திர மாநிலம் விசாகப்பட்டினம் – ஒடிசா மாநிலம் கோபால்பூர் இடையே கரையை கடந்தது.
ஒடிசா மாநிலத்தின் 8 தென் மாவட்டங்கள் புயலால் கடுமையாக பாதிக்கப்பட்டன. புயல் கரையை கடந்த தினத்தன்று இந்த மாவட்டங்களில் மருத்துவமனைகளில் அனுமதிக்கப்பட்டிருந்த 397 கர்ப்பிணிகளில் 245 பெண்களுக்கு குழந்தைகள் பிறந்தன.
அக்டோபர் 12-ம் தேதி கஜபதி, கோராபுட், மால்கான்கிரி, ராயாகடா, நபராங்பூர், கஞ்சம் மற்றும் காலஹண்டி ஆகிய மாவட்டங்களில் உள்ள அரசு மருத்துவமனைகளில் இந்த 245 குழந்தைகள் பிறந்ததாக சுகாதாரத்துறை அதிகாரிகள் தெரிவித்தனர். தாயும் குழந்தைகளும் நலமாக இருப்பதாகவும் கூறினர்.
