கட்டாக், நவம்பர் 3 – இலங்கைக்கு எதிரான முதல் ஒருநாள் கிரிக்கெட் போட்டியில் 169 ரன்கள் வித்தியாசத்தில் இந்தியா அபார வெற்றி கண்டது. கட்டக்கில் நேற்று நடைபெற்ற இந்த ஆட்டத்தில் இந்திய அணியில் ரவீந்திர ஜடேஜாவுக்குப் பதிலாக அக்ஷர் படேல் சேர்க்கப்பட்டார்.
டாஸ் வென்ற இலங்கை அணி பந்துவீச்சை தேர்வு செய்ய, அஜிங்க்ய ரஹானேவும், ஷிகர் தவனும் இந்தியாவின் முதல் ஆட்டத்தை தொடங்கினர். 50 ஓவர்களில் 5 விக்கெட் இழப்புக்கு 363 ரன்கள் குவித்தது இந்தியா.
பின்னர் ஆடிய இலங்கை அணி 39.2 ஓவர்களில் 194 ரன்களுக்கு சுருண்டது. இஷாந்த் சர்மா 4 விக்கெட்டுகளையும், உமேஷ் யாதவ், அக்ஷர் படேல் ஆகியோர் தலா இரு விக்கெட்டுகளையும் வீழ்த்தினர். இதன் மூதல் முதல் ஒருநாள் போட்டியில் 169 ரன்கள் வித்தியாசத்தில் இந்தியா அபார வெற்றி கண்டது.
