சென்னை, பிப்ரவரி 18 – ’அஞ்சான்’ படத்திற்குப் பிறகு மீண்டும் சூர்யாவுடன் ஜோடி சேருகிறார் சமந்தா. வெங்கட் பிரபு இயக்கத்தில் சூர்யாவின் “மாஸ்” படம் முடியவிருக்கிறது. இதைத் தொடர்ந்து சூர்யா, பாண்டிராஜ் இயக்கத்தில் “ஹைக்கூ” என்ற படத்தில் சிறப்புத் தோற்றத்தில் வருகிறார்.
விக்ரம் குமார் இயக்கத்தில் “24” என்ற புதிய படத்தில் சூர்யா நடிக்கவிருக்கிறார். தெலுங்கில் “மனம்” என்ற படத்தை இயக்கியவர் விக்ரம் குமார். ‘மனம்’ படத்தில் கதாநாயகியாக நடித்த சமந்தா தான் இப்படத்திலும் சூர்யாவுடன் நடிக்கிறார்.
சூர்யாவின் 2டி எண்டெர்டெயின்மெண்ட் நிறுவனமே இப்படத்தினை தயாரிக்கிறது. வைரமுத்து வரிகளில், ஏ.ஆர். ரஹ்மான் இசையமைக்கவிருக்கிறார்.
சூர்யா – சமந்தா ஜோடி சேர்ந்த “அஞ்சான்” படம், சொல்லும் அளவிற்கு வெற்றி பெறவில்லை. எனினும், இந்த படம் கைகொடுக்குமா என்பது இனிதான் தெரியவரும்.
