சென்னை, மார்ச் 4 – ஒவ்வொரு படம் முடியும் போதும் அந்தப் படத்தில் பங்கேற்றவர்களுக்கு பிரியாணி விருந்தளிப்பதை வழக்கமாக கொண்டுள்ளார் நடிகர் விஜய். தற்போது அதேபோல் நடந்துவரும் புலி படப்பிடிப்பு இறுதிகட்டத்தை எட்டியிருப்பதால் கடந்த மாதம் 28-ஆம் தேதி பிரியாணி விருந்தளித்தார் விஜய்.
புலியின் இறுதிகட்ட படப்பிடிப்பு சென்னை ஈ.சி.ஆர். சாலையில் உள்ள ‘ஆதித்யராம் ஸ்டுடியோவில்’ நடந்து வருகிறது. இந்தப் படப்பிடிப்பில் பங்கேற்ற 700 பேர்களுக்கு விஜய்யும், சுருதி ஹாசனும் பிரியாணி விருந்தளித்தார்.
அனைவருக்கும் அவரே தனது கைப்பட பிரியாணி பரிமாறினார் விஜய். தற்போது விஜய்யும் – சுருதியும் பிரியாணி பரிமாறிய காணொளி இணையத்தளதில் வெளியாகியுள்ளது.
சிம்புதேவன் இயக்கும் ‘புலி’ படத்தில் விஜய்யுடன் ஹன்சிகா, ஸ்ருதி ஹாசன், ஸ்ரீதேவி, சுதீப் நடித்து வருகின்றனர். இப்படத்திற்கு தேவி ஸ்ரீ பிராசாத் இசையமைக்கிறார். இப்படத்தின் இசை விரைவில் வெளியாகும் என படக்குழுவினர் தெரிவித்தனர்.
விஜய்யும் – சுருதியும் பிரியாணி பரிமாறிய காணொளியை கீழே காணலாம்:
http://youtu.be/wPjFBlZJMUE
