சென்னை, ஜூன் 8 – ஆர்.கே. நகர் தொகுதி இடைத்தேர்தலில் அ.தி.மு.க. சார்பில் போட்டியிடும் முதலமைச்சர் ஜெயலலிதா வேட்புமனுவுடன், தனது சொத்து விபரங்களையும் தாக்கல் செய்துள்ளார்.
ஜெயலலிதா கொடுத்துள்ள சொத்து மதிப்பில் 2 டோயோட்டா கார், 1980-ம் ஆண்டுடைய அம்பாசிடர் கார், 1990-ம் ஆண்டு கண்டஸ்சா கார் உட்பட 9 கார்கள் உள்ளதாகத் தெரிவித்துள்ளார்.
மேலும், ஐதராபாத்தில் உள்ள வணிகக் கட்டிடங்களின் மதிப்பு ரூ.13 கோடியே 34 லட்சத்து 70 ஆயிரத்து 990. போயஸ் கார்டன் வீட்டின் மதிப்பு (24000 சதுர அடி) ரூ.43 கோடியே 96 லட்சத்து 74 ஆயிரத்து 900.
காஞ்சீபுரம் மற்றும் ஐதராபாத்தில் உள்ள விவசாய நிலங்களின் மதிப்பு ரூ.14 கோடியே 78 லட்சத்து 37 ஆயிரத்து 300 (17.93 ஏக்கர்). ஒட்டுமொத்த அசையாச் சொத்தின் மதிப்பு ரூ.72 கோடியே 9 லட்சத்து 83 ஆயிரத்து 190.
ஜெயலலிதா பெயரில் உள்ள மொத்த வங்கிக் கடன் மதிப்பு ரூ.2 கோடியே 4 லட்சத்து 2 ஆயிரத்து 987. இந்த விவரங்கள் அடங்கிய பிரதி, வேட்புமனு தாக்கல் செய்யும் அலுவலகமான சென்னை தண்டையார்பேட்டை மாநகராட்சி மண்டல அலுவலகத்தில் ஒட்டப்பட்டுள்ளது குறிப்பிடத்தக்கது.
