சென்னை, ஜுன் 10- திறமை இருந்தால் எந்தத் துறையாக இருந்தாலும் சரசரவென முன்னேறிவிடலாம் என்பதற்கு சமீபத்திய உதாரணம் சிவகார்த்திகேயன்.
குறுகிய காலத்தில் சின்னத்திரையில் இருந்து வெள்ளித்திரைக்கு வந்து வெற்றிப்பட நாயகனாகக் கொடிகட்டிப் பறந்து கொண்டிருப்பவர்.
ஒவ்வொருவருக்கும் சொந்த வீடு கட்ட வேண்டும் என்ற கனவு இருக்கும். அது அவரவரின் பொருளாதாரச் சூழ்நிலைக்கு ஏற்றபடி சிறியதாகவோ பெரியதாகவோ அமையும்; அமையாமலும் போகும்.
சிவகார்த்திகேயனுக்கு அந்த வகையிலும் கொடுப்பினையே!
சென்னையை அடுத்த பனையூரில் கடற்கரை ஓரமாகத் தன் கனவு இல்லத்தைக் கட்டிக் குடி புகுந்துள்ளார்.
இது தன் அம்மாவிற்காகவும் குடும்பத்திற்காகவும் தான் கட்டிய கனவு வீடு என்கிறார் சிவகார்த்திகேயன்.
