Home நாடு கேமரன் மலை : அதிகாரபூர்வ முடிவுகள்!

கேமரன் மலை : அதிகாரபூர்வ முடிவுகள்!

812
0
SHARE

தானா ரத்தா – நேற்று சனிக்கிழமை நடந்து முடிந்த கேமரன் மலை இடைத் தேர்தலில் தேர்தல் ஆணையம் வெளியிட்ட அதிகாரபூர்வ முடிவுகள் வருமாறு:

ரம்லி முகமட் நோர் 12,038 (தேசிய முன்னணி)

எம்.மனோகரனுக்கு 8,800 (நம்பிக்கைக் கூட்டணி)

சாலேஹூடின் அப்துல் தாலிப் 314 (சுயேச்சை)

வோங் செங் யீ 276 (சுயேச்சை)

செல்லாத வாக்குகள் – 568

பெரும்பான்மை – 3,238 வாக்குகள்

இதற்கிடையில் இந்த இடைத் தேர்தலில் 21,428 வாக்காளர்கள் அதாவது மொத்த வாக்காளர்களில் 68.8 விழுக்காட்டினர் வாக்களித்தனர்.

22 விழுக்காடு பூர்வ குடியினரை வாக்காளர்களாகக் கொண்ட கேமரன் மலையில், முதன் முறையாக பூர்வ குடி வேட்பாளர் ஒருவரை நிறுத்துவதன் மூலம் தேசிய முன்னணி வகுத்த புதிய வியூகம் அபார வெற்றியைத் தந்துள்ளது. பாஸ் கட்சியுடன் அம்னோ கொண்டிருக்கும் இணக்கமான போக்கும் தேசிய முன்னணியின் கேமரன் மலை வெற்றிக்குத் துணை புரிந்துள்ளது.

இதன் மூலம் நாடாளுமன்றத்தில் நுழையும் முதல் பூர்வ குடி இனத்தவராக ரம்லி சாதனை நிகழ்த்தியிருக்கிறார்.

14-வது பொதுத் தேர்தலில் பாஸ் கட்சி தனித்துப் போட்டியிட்டு 3,587 வாக்குகள் பெற்று தோல்வி கண்டது. ஆனால், இன்று நடந்த இடைத் தேர்தலில் பாஸ் கட்சி போட்டியிடாமல் ஒதுங்கிக் கொண்டதால், பாஸ் ஆதரவாளர்களின் வாக்குகளும் தேசிய முன்னணிக்கு விழுந்திருக்கின்றன.

13-வது பொதுத் தேர்தலில் 462 வாக்குகள் பெரும்பான்மையில் மட்டும் தேசிய முன்னணியின் டத்தோஸ்ரீ ஜி.பழனிவேலு வென்ற கேமரன் மலை தொகுதியில் 14-வது பொதுத் தேர்தலில் மஇகா வேட்பாளரான சிவராஜ் சந்திரன் 597 வாக்குகள் பெரும்பான்மையில் வென்றார்.

ஆனால், இன்று நடைபெற்ற இடைத் தேர்தலில் ஆட்சியை இழந்த நிலையில், நம்பிக்கைக் கூட்டணியின் அத்தனை தலைவர்களும் – பிரதமர் துன் மகாதீர் உட்பட – பிரச்சாரக் களத்தில் தீவிரமாக இயங்கிய சூழ்நிலையிலும், தேசிய முன்னணி 3,238 வாக்குகள் பெரும்பான்மையில் வெற்றி பெற்றிருப்பது மாபெரும் சாதனையாகக் கருதப்படுகிறது.

Comments